Narco-politicians gikompirmar
CEBU, Philippines – Sobra 20 ka mga narco-politicians ang na-monitor sa Philippine Drug Enforcement Agency-7 nga niduso og Certificate of Candidacy (COC) sa tibuok rehiyon siyete alang sa umaabot nga piniliay sa barangay ug Sangguniang kabataan karong Mayo 14.
Ang pamahayag sa direktor sa PDEA-7 nga si Emerson Margate kaparehas sa unang pamahayag sa director sa Cebu Provincial Police Office director nga si Senior Supt. Edgar Alan Okubo nga nag-ingong adunay kapin 20 ka kandidato nga niduso og COCs ang apil sa ilang drug watchlist.
Sama sa CPPO, wa pay mahimo ang PDEA batok niining mga narco-politicians nga nanagan.
“Wala pa tayong directives na mag-publish regarding sa mga barangay officials that are involved sa illegal drugs. Sabi nga ng aming director general, if we have our way, gusto naming i-publish but it needs approval pa rin sa ating mahal na presidente,” matud pa ni Margate.
Gihangyo ni Margate ang publiko nga dili botaran ang maong mga politiko kon nagduda silang nalambigit kini sa illegal nga drugas.
Sa laing bahin, gitataw sa direktor sa Commission on Elections (COMELEC)-7 nga si Atty. Veronico Petalcorin nga bisan pa man og madesisyonan sa presidente nga ipagawas ang listahan dili gihapon nila kini mapugngan sa pagdagan karong piniliay.
“Wala mi guidelines (sa narco-list) kay di man na grounds for disqualifications. Kung ma file-an sila og kaso then that is already a ground for disqualifications,” si Petalcorin miingon.
Iyang gidugang nga inig kahuman sa filing of COC, ilang ihatag ang listahan sa mga nanagan sa tibuok rehiyon ngadto sa mga polis ug PDEA. (/IBM)(BANAT NEWS)
- Latest
