Kobe pabor sa Rockets

CEBU, Philippines — Ang five-time NBA champion ug kanhi Los Angeles Lakers superstar nga si Kobe Bryant mihimo og prediksyon kun kinsa  ang mokampiyon sa NBA  karon nga season.

Si Bryant pabor sa Houston Rockets nga maoy mokampiyon tungod sa  gipakita niini sa regular season ug sila ang nakaangkon sa labing nindot nga rekord nga 65-17.

Matud ni Bryant nga pabilin nga kontender ang defending champion  Golden State Warriors, apan tungod kay daghang players ang nanga-injured,  migawas nga lig-on ang Rockets nga gibidahan  ni James Harden, ang nag-unang kandidato  pagka-MVP  karon nga season.

“Obviously, a lot of it depends on the health of Golden State. Houston have put themselves in prime   position  with their length, versatility, their speed, their aggressiveness,”  matud pa ni Bryant sa ESPN.

Alang ni Bryant, anaa sa West ang koponan nga mokampiyon karon bisan pa og gipakita sa ubang Eastern teams ang ilang katakus sa regular season. 

Tungod sa pagkawala ni Kyrie Irving, nagtuo si Bryant nga maglisud ang Celtics sa playoffs ug nakita niya nga ang Toronto Raptors ug Cleveland Cavaliers  ang mag-ilog sa trono sa Eastern Conference.