Ugat nina Digong at Bong Go, tinunton
MANILA, Philippines — Nadiskubre nina Pangulong Rodrigo Duterte at Special Assistant to the President Bong Go na iisa ang ugat na pinanggalingan nila ni Chinese Pres. Xi Jinping.
Ito ang nalaman nila Duterte at Go sa pakikipagpulong nila kay Jinping sa Boao Forum for Asia kung saan napag-usapan nila kung saan nagmula ang kanilang great-great grandmother.
Dito na rin na-trace ni Duterte na ang kanyang ninuno ay mula sa Fujian Province, China.
Tinanong din ni Pres. Xi si SAP Go kung saan Chinese province siya nagmula at kanyang pamilya matapos niyang mabanggit na ang kanyang ninuno ay isang Chinese.
Pinuri naman ng Pangulo ang China at si Xi bago siya umalis.
Samantala, bago magtungo sa China, sinabi ni Duterte na ang Pilipinas ay kailangan ng malalim na pakikipag-ugnayan sa Beijing dahil ang China ay handa naman na mag-invest sa Pilipinas.
“I need China. More than anybody else at this point, I need China,” ani Duterte. “I simply love Xi Jinping. He understood, he understands my problem and is willing to help, so I would say thank you China,” dagdag ng Pangulo.
Naniniwala naman ang Chinese observers na ang Sino-Filipino friendship ay model para sa regional at global relations na may equal at win-win cooperation.
“Bilaterally, the Philippines is showing how complex relations are not a bar to a positive and mutually beneficial engagement,” ayon pa kay Duterte.?
Inihalimbawa rin niya ang role ng China sa pagbibigay ng suporta na $69 bilyon sa “Build, Build, Build” infrastructure program, na magbibigay ng solid backbone para sa paglago.
- Latest
