Nagpagamit ug gigamit!

Sanden: Maayong adlaw sa mga suki natong readers sa Banat News , siyempre sa akong mga beshie nga sila si Tita Yurs ug sa dili guwapa nga si Jaypee. Nasayod na kita tanan nga sa usa ka relasyon, dili gyud natu masulti nga usa kini ka perpekto, mag-agi gyud kini og mga pagsulay. Ang wala pagsinabtanay sa usa ka butang maoy common kaayo nga rason nga awayan sa manag-uyab. Sama na lang sa nahitabo nila ni Gerald Anderson ug Bea Alonzo. Naabot sa punto nga gi-unfollow ni Bea ang Instagram account ni Gerald, giapil usab niya og unfollow ang leading lady niini sa pelikulang My Perfect You nga si Pia Wurtzbach. Nakadawat og mga pagsaway si Bea gumikan kay matud pa, siya ra sad ang naghimo og move nga mapistahan sila sa netizens. Ay da, dapat sabton lang nato si Bea, dili jud baya lalim kon makabikil nimo ang imong hinigugma.

Yuri: Hellloooo mga beshie nako hilabi na sa atong mga suki sa BANATanay nga nagsunod gyud sa atong mga pabuhagay. Para nako adunay katungod si Bea nga i- unfollow silang duha. Ayaw mo pagbuot kay dili na inyong account. And aside from that,kinabuhi na ni Bea. Gadala lang mo og masla! Angay rapud na niya i- unfollow kay wala nay lami si Gerald, sum-ol na kaayo. Sa mga nag bash ni Bea?Pweee! Pag sure mo diha mga maslers.

Jaypee: Olah mga kabanatay.Kumustamos ginamos tagsingko ang takos. Olah beshie Yuri ug beshie Sanden.  Diretso nako sa akong baruganan mahitungod sa nag -trending nga showbiz news karon. Alang kanako nagpatigbabaw lang gyud ni ang ka- OA ni Bea. Nganung bitter kaayo siya oy?  Unfollow- unfollow dayun? Tan awa, siya ra sad hinuon ang nasugamak sa nalangkuban niyang kontrobersiya. Giapil pa niya’g unfollow si Pia.

Si Bea ba, mura man tawon ni siya’g wala gadako sa showbiz noh nga dili makahibawo sa dagan sa mag-tandem sa usa ka proyekto. Gisabot lang unta gyud ni niya ang duha kay pelikula ra baya ning ilaha. Merese

Sanden: Duna’y mga pagduda nga nagamit lang si Bea sa promo sa pelikula ni Gerald gumikan kay gi-follow raman niya og balik ang iyang uyab. Pero para nako, dili sad na mahitabo, gumikan kay maka-stand raman pud ang pelikula bisan paman nga dili mogamit og laing tawo gumikan kay sikat naman daan sila Gerald ug Pia. Tumpak ka Tita Yurs, dili na lang unta sawayon si Bea uy, meron siyang pusong mamon, siyempre, masakitan gyud na siya kon duna sila’y misunderstanding sa iyang hinigugma. Ikaw sad Jaypee, ayaw pataka og buka sa imong baba diha, kay wala ka masayod sa tinud-anay nga nahitabo. Bisan ikaw Jaypee, kahibalo gyud ka nga dili lalim ang LQ, so dili ka angayan mag-ing ana. Kon mosulti ka ana, mura’g wala ka kasuway sa ingon ana nga sitwasyon.

Yuri:  Palibhasa Jaypee wala kang boyfriend mao nga bitter kaayo ka. Bea is Bea, mao nga naa siya’y tanang katungod kon mo follow or  mo- unfollow siya . Nahulog lang hinuon nga si Bea ang gigamit diri para sa pelikula, ug ako si Bea di ko magpagamit. Kanang si Pia kay beauty queen. Ambot lang unsay acting power niya. Layo kaayo siyang Bea. Please lang sa mga nagbash ni Bea maypa magpakahilom mo o kaon mo sa gi-endorse anang Gerald nga crispy pata para molami mo.

Jaypee:  Mura pod baya tawon ka’g correct sa imong mga pulong Sanden noh? Dili raba gyud ko gwapahan nimo, isa kang babaeng may deperensya ang reproductive system. Si Bea padalos dalos raman sad kaayo sa iyang moves nga to think perme baya ni silang bantayan sa mga tawo kay lage personality. Unya ikaw Yuri, person of interest ka, kon sa kaso pa, ikay suspect! Pak buak! Asa dapit gigamit si Bea? Hala ha. Beshie Yuri, lig on na na silang Gerald ug Pia oy. No need na gamitay. Pero anyway highway, manghinaot ra ko nga magkauli ra ang mga maayong kabubut-on nilang Bea ug Gerald. Kumbaga mahuwasan na sa ka OA si Bea.

Alang sa inyong mga komento, ipadala lang kana sa 09192422676, ug imantala ang inyong mensahe sa “Akong Banat” sa  Kalandrakas section sa umaabot nga mga adlaw. Butangi  kini sa inyong pangalan ug address.