Tserman itinumba sa harap ng bahay

MANILA, Philippines — Isang barangay chairman na si Mario Valdez Sulit ang pinagbabaril at napatay ng isang lalaki sa harap ng kanyang bahay kamakalawa ng gabi sa  Brgy. Hugom, San Juan, Batangas.

Sa ulat, dakong alas-9:00 ng gabi ay papasok na ang biktima sa gate ng kanilang bahay nang big­lang sumulpot sa lugar ang hindi pa nakilalang suspek  at walang kaabog-abog na pinagbabaril ang biktima.

Nang bumagsak ang biktima ay agad na  tumakas ang suspek patungo sa hindi pa malamang destinasyon.

Dalawang anggulo ang sinisilip na motibo sa krimen una ay pulitika kaugnay ng nalalapit na halalan sa Brgy. at Sanggunian Kabataan sa Mayo ng taong ito at personal na alitan.