Romeo wala pa’y seguro moduwa sa Gilas

CEBU, Philippines — Giapil sa Samahang Basketbol ng Pilipinas (SBP) si PBA scoring champion Terrence Romeo sa line-up sa Gilas Pilipinas nga moduwa sa second leg sa 2019 FIBA World Cup qualifiers sunod buwan.

Si Romeo, ang sinaligang scorer sa Gilas sa FIBA Asia Championship ug William Jones Cup sa miaging tuig, wala kaduwa sa unang leg sa World Cup qualifiers tungod sa injury.

Si Gilas coach Chot Reyes miingon nga wala siya maglaum nga makaduwa si Romeo, apan dawaton niya kini kun 100 percent kini nga  mosul-ob og balik sa uniporme sa nasudnong koponan.

Si Romeo hinay-hinay na nga nakarekober ug andam na nga moduwa sa GlobalPort Batang Pier sa PBA.

Ang Gilas unang makigsangka sa powerhouse Australia sa Pebrero 22 didto sa Brisbane, sundan sa home game sa Gilas batok Japan sa Pebrero 25. Ang Gilas laraw nga mosud sa top two sa ilang bracket aron moabante sa quarterfinals.

Mga players nga segurado na nga moduwa sa Gilas mao sila si JuneMar Fajardo, Jayson Castro ug Japeth Aguilar nga maoy mangulo sa koponan.  Mosuporta  nila mao sila  si  Jio Jalalon, Raymond Almazan, Troy Rosario, Gabe Norwood, Allein Maliksi, Mac Belo, Carl Bryan Cruz, Kiefer Ravena, Kevin Alas, RR Pogoy, Matthew Wright ug Calvin Abueva. (BANAT NEWS)