Minimart sa lungsod sa Barili gilungkab

CEBU, Philippines — Usa ka dako nga tindahan sa lungsod sa Barili ang gilungkab sayo kagahapon sa buntag  apan wala pa matino ang kantidad sa kwarta nga nadala sa kawatan.

Kini ang gitug-an ni Police Senior Inspector Jose Angelo Acupinpin nga nahinabi sa Banat News.

Matud ni Acupinpin nga padayon pa ang ilang gihimo nga imbestigasyon sa Anianitas Minimart ug wala pa matino ang kantidad sa kwarta nga nadala sa kawatan.

Ang kapolisan nagpahigayon usab og imbestigasyon kong mga local boys ba ang nanglungkab ug padayon nilang gisusi ang record sa footage sa Close Circuit Television (CCTV) camera sa tindahan.

Gituohan sa kapolisan nga kadlawon nahitabo ang pagpanglungkab sa maong mini mart ug nadawat nila ang taho alas 8:00 na sa buntag. (BDB) (BANATNEWS)