Mga fire hydrant ug stand pipe susihon

CEBU, Philippines — Tinguha karon sa bag-ong nilingkod nga Cebu City Fire Marshal Chief Inspector Noel Nelson Ababon nga ipadayon gihapon ang mga programa nga gisugdan sa iyang gisundan nga City Fire Marshal nga si Superintendent Rogelio Bongabong kinsa anaa na karon sa Lapu-Lapu City.

Gibutyag ni Ababon nga sa dihang non-officer pa siya dinhi na siya sa dakbayan sa Sugbo hinungdan nga kahibalo siya sa mga operations.

Sumala pa ni Ababon iyang sutaon atol sa iyang paglingkod ang stand pipe nga gipahimutang sa mga congested area ug lakip usab ang mga fire hydrant kong unsa na ang mga status niini. Iyahang i-review ang mapa sa location ug kahimtang sa mga kagamitan nga mahimong magamit sa kabomberohan panahon adunay alarma nga motumaw ilabi na diha sa mga hagip-ot nga lugar.

Dugang ni Ababon nga hingusgan nila ang kampaniya sa paglikay sa sunog ug lakip usab ang pagpadayon sa mga palisiya nga gisugdan sa kanhi mga fire marshal. (BDB) (BANATNEWS)