‘Fake news’ naka-ukay na sab

CEBU, Philippines — Human nag-panic ang publiko gumikan sa sayop nga impormasyon nga nikatap kabahin sa nakawtan nga vintage bomb niadtong Lunes sa hapon, si Police Regional Office-7 director Jose Mario Espino nitambag nga dili basta-basta motuo sa mga mabasahan sa social media.

“If there are news sa social media especially sa text messages, verify it immediately sa police station in order not to create panic sa public,” matud ni Espino.

Ang kontrobersiyal nga Facebook page nibutang na sab og hulagway sa memorandum nga nag-ingon nga gikinahanglang i-evacuate ang mga residente sa mga building sa I.T Park sa Apas, Dakbayan sa Sugbo nunot sa ka delikado nga mobuto ang maong vintage bomb.

Una na nga gibutang sa hepe sa Special Weapons and Tactics sa Cebu City Police Office, Senior Insp. Miles Damoslog, nga mobuto lang kini kun adunay grabeng kainit ug friction hangtud sa gilay-on nga 300-metros.

Giangkon sa maong opisyal nga lisud mapugngan ang pagkatap sa mga sayop nga impormasyon karon tungod sa teknolohiya apan iyang awhag sa publiko nga kung makadawat og mga wala pa ma-verify nga impormasyon, dili na lang unta ipakatap pinaagi sa pag-share sa social media o pag-forward pinaagi sa text message aron dili na mokatap.

“Particularly if the content of information can create panic or disturbance, report it to the nearest police station at the same time I encourage the people not to circulate it. It will only create panic,” matud ni Espino. (BANAT NEWS)