P51.5M na!

CEBU, Philippines — Nagmaya  ang Cebuana star nga si Kim Chiu  gumikan kay   gihangop gyud sa publiko ang pelikula niya sa Star Cinema nga 'The Ghost Bride’. Ang maong pelikula nikita na og P51.5M sulod pa lang sa lima ka adlaw nga pagpasalida niini.

Go James!

Nakasulod na sa Top 3 ang pangalan ni  James Reid sa labing kusog karon sa nagpadayon nga botasyon sa 2017 MTV Europe Music Awards alang sa Best Southeast Asian Act. Panawagan ni James sa iyang fans nga suportahan siya. Nakatigi ni James ang pipila ka mga artista sa Thailand, Indonesia , Singapore ,  Vietnam ug Malaysia. Ang 24th annual MTV EMA pagahimoon sa  SSE Arena sa London, Wimbley karong November 12.

Maabot ugma

Ipa-cremate sa  pamilya ni Isabel Granada ang patay nga lawas sa aktres nga maabot ugma. Sa dili pa kini i-cremate, pagahimoon ang public viewing  alang sa iyang  mga higala , kabanay ug fans.

Maldita gihapon

Gitataw ni   Cristine Reyes  nga dili pa gyud tanto nga nahupas ang iyang pagka-maldita.  Matud pa niya nga nagdepende ra gyud kini sa sitwasyon. Matud pa sa aktres nga  dili lang gyud siya plastic nga pagkatawo. “Well, aminado naman ako na hindi nawala ‘yung pagka-maldita ko. People think na maldita ako but it’s just being transparent which people doesn’t accept it. Gusto nila ‘yung pa-sweet, pa-tweetums which I’m not like that. So I think I’m still the same. It’s just that, ang gusto lang ng mga tao siguro, gusto nila ‘yung pa-sweet. I’m not like that eh. They find me maldita because of being real,” suma pa ni Cristine.

Pang-millennial

Gawas kang  Sam Concepcion,  nalakip pud sa pelikulang   Para sa Broken Hearted sa  Viva Films mao sila si  Louise delos Reyes, Shy Carlos, Marco Gumabao, ug Yassi Pressman.    Suma pa  nga pang-millennial   ang maong pelikula.

Duna’y sequel

Malipayon si   Vhong Navarro gumikan kay makabaton og sequel ang pelikula niya nga    Mang Kepweng Returns . Ang maong proyekto gidumala sa Cineko Productions .

Alden sa Magpakailanman

Malakip  si Alden Richards sa umaabot nga episode sa Magpakailanman.  Istorya  kini  sa kaagi sa mga tawo nga naapektohan sa kagubot didto sa Marawi City.  Sa Iligan unta ang taping niini apan wala sila tugti busa sa Manila na lang kini pagahimoon.  

Nauyonan ni Barbie

Nahimuot pag-ayo si  Barbie Imperial sa  unod sa libro  ni  Maine Mendoza  nga 'Yup, I Am That Girl".  Matud pa ni Barbie nga duna gyud siya’y nakat-onan sa libro   ug nakahatag gyud kini og inspirasyon  kaniya.

Milugwa sa Thailand

Nitikang ang pipila ka Kapuso artists ug gi-interview sila sa  'The Anne Show'.  Ang maong mga artista naglangkob nila ni Dennis Trillo, Tom Rodriguez , Carla Abellana ug Alden Richards.  

Gibalibaran

Gibalibaran ni    Akihiro Blanco ang  duha ka mga serye sa  ABS-CBN  nga naglangkob sa  La Luna Sangre ug The Good Son.  Matud pa niya nga anugon kaayo ang maong mga proyekto apan maglisod siya og dawat niini gumikan sa upat niya ka mga pelikula.  Nalakip ang aktor sa pelikulang This Time I'll Be Sweeter, Immaculada, Timog Love Story, ug  Sikreto sa Dilim.

Jolina mabdos

Malipayong  gianunsyo   sa  actress-singer  nga si Jolina  Magdangal nga nagsabak siya alang sa ikaduhang anak nila ni  Mark Escueta.

Iyaha kining gibutyag atol sa programang "Magandang Buhay” kagahapon   kung diin katupad niya  si Mark  ug ang anak nila nga si  Pele Iñigo.

"Yes, 9 weeks na po ako at kuya na po si Pele. Thank you, Lord. Thank you talaga.Sobrang pinag-pray po namin ito at saka sobrang saya ko para kay Pele, hindi lang para sa aming mag-asawa kung hindi para kay Pele. Two months na po mga kaibigan, thank you so much," suma pa ni Jolens.

Una na nga gibutyag sa aktres nga  taod-taod na siya nga nangandoy nga  hatagan og manghod si  Pele. 

Pia ug Maxine mitambag kang Rachel

Todo pangandam  na  si  2017 Miss Universe Philippines Rachel Peters alang sa nagkaduol na nga  66th Edition sa Miss Universe pageant   karong Nove,ber 26 didto sa Las Vegas, USA.

Mapasalamaton  kaayo si  Rachel sa init nga suporta nga nadawat niya  gikan kang 2015 Miss Universe Pia Wurtzbach ug  2016 Miss Universe finalist Maxine Medina.

Sa interview ni  Rachel sa showbiz website nga PUSH, nibutyag ang beauty queen nga nihatag gyud og tambag  kaniya sila si Pia ug Maxine alang sa maayong pagdala sa kaugalingon niini atol sa coronation night.

'You just have to enjoy the journey, and when you get there, just have fun.' And she also said to me, 'If you don't enjoy it and you're stressed all the time you will regret it.' So that's the most important advice she gave me," saysay pa ni Rachel  kalabot sa tambag nga nadawat niya gikang Pia. Nahimo usab  nga  inspirasyon ni  Rachel si Maxine gumikan kay wala gyud kini nagpaapekto kaniadto sa   mga pag-bash nga natagamtaman niini.

Dili gyud siya kalimot sa tambag ni Maxine nga kinahanglan nga mo-focus lang gyud sa pageant ug dili manumbaling kung makadawat kini og mga pagsaway.

"Si Maxine, yun din to have fun and try not to let the bashers affect you. Kasi alam naman natin na si Maxine really had a difficult time with the bashers and seeing her come out of it as a better person is inspiring to me and when I went through to my time of super bashing, I remembered Maxine, and I will remember that advice she gave," matud pa ni Rachel.

Wala manimaho?

Tulo ka semana na lang ang nahibilin sa dili pa matapos  ang  afternoon series sa ABS-CBN nga "The Promise of Forever".

Ang maong serye  gibidahan nila ni Ritz Azul ug  Paulo Avelino  ug gisugdan kini niadtong September 11.

Ang maong serye gilangkoban usab nila ni Ejay Falcon, Tonton Gutierrez, Benjie Paras, Amy Austria, Susan Africa, Nico Antonio, ug  Cherry Pie Picache.

Nitumaw ang mga obserbasyon nga hinay kaayo ang maong serye  hinungdan nga gihuman kini og dali. (BANAT NEWS)