Mosikad karong 2018

CEBU, Philippines — Sa January 2018 maoy target sa pagpasalida sa pelikulang  Ang Dalawang Mrs. Reyes nga gibidahan nila ni  Angelica Panganiban ug  Judy Ann Santos . Nalakip usab sa maong pelikula si Joross Gamboa. Gipaluyohan kini sa  Idea First Company, Quantum Films, ug  Star Cinema.

Stylist ni Maymay

Si Kathryn Bernardo maoy nagsilbing  stylist ni  Maymay Entrata sa  Star Magic show sa  Singapore sa  miaging adlaw.    Gipaneguro ni Kathryn nga  nindot tan-awon si Maymay  inig tungtong  niini sa entablado.

Marvin mobalik sa GMA

Mobalik sa poder sa  GMA 7 ang aktor nga si  Marvin Agustin . Giingong nalakip siya sa  cast sa  bag-ong primetime series  nga ihulip sa  naghinapos na nga Alyas Robinhood 2.

Nalingaw sa  shooting

Nag-enjoy og taman si Pia Wurtzbach sa  dihang gi-shoot ang pelikulang  The Revengers kauban sila si  Vice Ganda ug  Daniel Padilla. Tungod sa maong pelikula, duna’y  mga butang nga first time pa niya nga nabuhat. “Naku! Sobrang saya na makatrabaho si Vice at si Daniel. Sobrang good vibes ng mga kasama. Ang saya-saya sa set at ‘yung challenge na nagbi-beauty pageant ako dati, tapos ngayon may mga combat scenes and fight scenes na ako. Tapos may mga pa-harness pa,” suma pa ni Pia.

Nagpa-relax sa Japan

Nipahuway  og pipila ka adlaw  sa iyang trabaho si Nadine Lustre  human sa pagbangotan sa kamatayon sa iyang igsuon.  Nibakasyon  si Nadine  sa  Japan uban sa iyang pamilya ug ang iyang boyfriend nga si James Reid.

Tuhod ni Ryan operahan

Mopahuway   og pipila ka semana si Ryan Agoncillo sa Eat Bulaga  gumikan kay operahanan ang iyang tuhod.  Kahinumduman nga nadisgrasya  si Ryan atol sa motor training sa miaging adlaw  hinungdan nga nagngulngol og maayo ang iyang tuhod.

Unya ra

Busy sila si Bea Alonzo ug Gerald Anderson  sa tagsa-tagsa nila nga mga career  hinungdan nga wala pa gyud mosantop sa ilang hunahuna ang pagpakasal.  Magsige og pangutana ang ilang fans kalabot niini sanglit naa naman sila sa saktong edad.

Endorsements nagbaha

Bisan  pa man  nga wala’y   show  sa telebisyon  si  Kris  Aquino , giingong  natapakan rapud ang iyang kamingaw sa  showbiz  sanglit nakalinya ang endorsements.  Gawas niini,  nalingaw usab siya sa digital world.

Ipasalida sa Africa

Nagkasinabot  dili pa lang dugay ang ABS-CBN ug  ang StarTimes, nag-una nga  TV operator sa Sub-Saharan Africa  kalabot sa pagpasalida sa Kapamilya series sa nahisgutang dapit.Gikatakdang i-distribute sa StarTimes ang mga sikat nga serye , sama sa  “A Love to Last” ,“On the Wings of Love” ,“Dolce Amore” ug uban pa.

Marco sa Wish Ko Lang

Molugwa ang kanhi Star Magic talent  nga si  Marco Gumabao sa usa ka episode Kapuso drama anthology-public affairs program  sa GMA-7 nga Wish Ko Lang.  Makauban niya sa maong episode  ang  One Up member  nga si  Yasser Marta.Ang Viva Artists Agency (VAA) maoy naghupot sa career ni Marco human kini nibiya sa Star Magic.