Egg Tray Lalagyan ng Condiments sa Ref

Minsan mahirap pa ring ayusin ang loob ng ating refrigerator kahit pa may mga shelves na ito. Tulad na lamang ng mga condiments at sauce na kailangang ilagay sa ref pagkatapos mabuksan para hindi masira kaagad.

Ang nagiging kadalasang problema rito ay naninigas ang sauce o condiments at namumuo sa ilalim ng lalagyan kaya mahirap itong maalis sa lalagyan kung gagamitin na.

Isang tip para rito ang paggamit ng egg tray. Gumupit lamang ng egg tray na kakasya sa shelf ng inyong refrigerator. Ipatong lang ito at presto maaari na itong lagyan ng condiments na pabaliktad para sakto ang takip sa egg tray. Sa ganitong paraan maiipit ang bandang takip ng bote at kahit manigas pa ang condiments at sauce ay mas madali itong matanggal kapag pinisil na.

Ito po ang inyong Kumpunerong Kuya na nagsasabing, kung gusto maraming paraan!