Andrew Wiggins ‘di aalis sa Minnesota
MINNESOTA - Walang balak ang 22-anyos na NBA star na si Andrew Wiggins na lumipat ng ibang koponan.
Sinabi ni Wiggins sa panayam ng USA Today Sports na hindi siya nagmamadali para pirmahan ang contract extension sa Timberwolves.
Dalawang buwan na ang nakakaraan ay nilinaw ni Timberwolves owner Glen Taylor na papi-pirmahin niya si Wiggins sa isang five-year, $148 million extension.
Pinutol ng fourth-year shooting guard ang kanyang relasyon kay agent Bill Duffy ng BDA Sports nang tila selyado na ang nasabing kasunduan sa Minnesota.
Ngunit nalalapit na ang Oktubre 16 para sa deadline sa contract extension ay hindi pa lu-malagda si Wiggins, ang No. 1 pick na nagtala ng average na career-high 23.6 points per game sa kanyang third season.
“I’m just taking it day by day, you know?” sabi ni Wiggins. “There’s no rush to do it, yet. I’ve still got some time before the day before that first game.”
Iginiit ni Wiggins na hindi niya iiwanan ang Minnesota.
“This is definitely where I want to be; definitely where I want to be,” wika ni Wiggins.
“Ah, eventually. I’m just going to take it day by day. There’s no rush to do it. We’re going through preseason and I’m all the way here in China,” dagdag pa nito.
Ang nasabing preseason games ang nakakapagdulot ng injury sa ilang players.
Sinabi ni Golden State Warriors forward Draymond Green na maaaring lumakas ang tsansa ng mga players na magkaroon ng injury.
- Latest
