Heart ug Kristine motambong sa Star Magic Ball
CEBU, Philippines — Subling mahimamat nila ni Heart Evangelista ug Kristine Hermosa ang mga higala nila sa ABS-CBN sa umaabot Star Magic Ball.
Sa report sa ABS-CBN News, motambong sila si Heart ug Kristine sa maong engrande nga kalihokan sa Star Magic.
Kahinumdoman nga nagsugod ang mga career nila ni Heart (batch 9) ug Kristine (batch 5) sa Star Magic.
Gidungog pud nga motambong sa Star Magic Ball ang aktres nga si Claudine nga matud pa gipangandaman gyud ang gown nga sul-ubon niini sa maong party.
Ang maong kalihokan mahitabo karong September 30 sa Makati Shangri-La Hotel ug ang singer nga si Martin Nievera maoy host niini.
2018 Oscars Birdshot pambato sa Pilipinas
Ang pelikula nga Birdshot maoy pambato sa Pilipinas sa Best Foreign Language Film category sa 2018 Oscars.
Mahitabo ang 90th Academy Awards karong March 4, 2018 sa Hollywood, Los Angeles, California.
Ang Birdshot gibidahan kini nila ni Arnold Reyes, Mary Joy Apostol, ug John Arcilla.
Kahinumdoman nga nakadaog usab kaniadto ang Birdshot isip Best Film sa 29th Tokyo International Film Festival niadtong November 2016. (Sanden J. Anadia)
Simpleng selebrasyon
Gipili ni 2015 Miss Universe Pia Wurtzbach nga mahimong simple ang selebrasyon sa iyang birthday niadtong Domingo, September 24.
Nasayran nga nagpusot-pusot nga mga social gathering ang gitambongan ni Pia busa nagpalahi na pud siya sa pagsaulog sa iyang birthday.
Sa iyang Instagram account, nag-post si Pia sa iyang hulagway nga duna’y ice cream cake , birthday candle ug regalo.
Aduna kini caption nga “A quiet lunch outside of the city”.
Dugay na nga suod
Duol gyud sa kasing-kasing nila ni Kim Chiu ug Gerald Anderson ang magtiayong Daisy ug Jorge Cariño. Nitambong ang duha sa renewal of vows nila ni Daisy ug Jorge alang sa selebrasyon sa ilang 25th wedding anniversary. Pagkahuman sa Pinoy Big Brother niadtong 2006, nahimong kliyente ni Daisy si Gerald alang sa “Tagalog dialogue coaching “ hangtod nasuod nalang pud nila si Kim. Gikonsiderar nila ang magtiayon isip ikaduha nila nga ginikanan.
Kris nataypan ni Edgar
Niulbo karon ang report nga matud pa nakagusto si Edgar Allan Guzman ngadto kang Kris Bernal. Tak-om lang ang aktor sa pangutana kung kanus-a siya modiskarte niini.
Squad Goals
Human sa Fan Boy/Fan Girl , mag-uban na pud sa laing pelikula sila si Ella Cruz ug Julian Trono sa Viva Fims. Aduna kini working title nga Squad Goals kung diin makauban nila ang ubang mga artista sa Viva.
Makauban si LT
Makauban ni Nadine Lustre ang beteranang aktres nga si Lorna T. sa iyang upcoming film nga The Nurse. Plantsado na ang maong proyekto nga pagadumalaon ni Direk Jun Lana.
Alang sa future
Nagbuhat og bag-ong balay si Rocco Nacino nga dunay upat ka andana,. Gawas niini, maayo usab ang dagan sa iyang mga negosyo. Gipaneguro sa aktor nga duna siya’y padulngan kon maabot na ang panahon nga mohupas na ang iyang career.
Birthday vacation
Gipasalig ni Edu Manzano sa iyang fans nga mobalik ra siya sa programang Celebrity Bluff. Kasamtangang nagtagbaw si Edu sa iyang birthday vacation didto sa Europe.
Maine mitikang sa Leyte
Nitikang sa miaging adlaw si Maine Mendoza sa Biliran Island sa Leyte uban sa mga staff sa Eat Bulaga. Nitumaw ang report nga gi-shoot sa maong dapit ang gamiton nga opening video sa umaabot nga Miss Millennial Philippines 2017 Grand Coronation Day karong Sabado, September 30, sa Mall of Asia Arena.
Kapit
Kasamtangang gi-promote ni Christian Bautista ang iyang ikapito nga album nga nag-ulohan og Kapit. Usa usab siya sa co-producer niini busa nakatutok gyud siya sa preparasyon sa maong album. Gawas sa Pilipinas, sikat usab si Christian sa ubang nasud sa Asya.
Pasok sa X-Factor UK
Nakapasar sa audition ang Filipina singer nga si Alisah Bonaobra sa “The X Factor UK”. Nailhan na si Alisah dinhi sa Pilipinas human kini nisalmot kaniadto sa season 2 sa “The Voice Philippines” ug nahimong runner up sa mananaog nga si Jason Dy. Si Apl.de.ap. ang iyang coach kaniadto. (BANAT NEWS)
- Latest
