Budget sa pagkoral sa landfill gikuwestiyon
CEBU, Philippines - Gikuwestiyon ni Konsehal Joel Garganera ang kadako sa budget nga gipangayo kalabot sa pagkoral sa kontrobersiyal nga Inayawan landfill nga moabot sa P35 milyones.
Nakapangutana ang konsehal nganong konkreto ang ikoral nga sa mga naadtoan niya nga landfill nga gisirad-an alang sa rehabilitation, sin ra ang gigamit aron dali ra kuhaon kung mahuman na.
Matud ni Garganera nga wala pa kapakita ang Cebu City Environment and Natural Resources (CCENRO) ug ang Department of Public Services (DPS) nga Program of Works and Estimates (POWE).
“If they can present a comprehensive plan sa post-closure rehabilitation plan be it but until now what presented to us last year pa na was just a figure of P600 million and then you were there when we ask CCENRO, when we ask DPS what are the basis for the P600 million they cannot present any, it is just a figment of mayor’s imagination to come up with that figure,” sigun ni Garganera.
Ang pangulo sa CCENRO, kanhi konsehal Nida Cabrera, nipasabot nga mas mahal ang fencing price itandi sa bana-bana sa Environmental Management Bureau (EMB-7).
“Even though dili man ako ang nagbuhat sa POWE, ang calculation sa EMB is wala nagtan-aw sa physical condition sa landfill considering nga taas ang atoang facility,” sigun ni Cabrera.
Nagkanayon si Cabrera nga ang ilang buhaton ang pagsirado sa hingpit sa landfill ug dili na masudlan pa sa mga manguykuyay og basura.
Matud pa nga ang aprobado na nga P85 milyones alang sa landfill kuwang ug dili paigo alang sa hingpit nga pag-rehabilitate niini. (BANAT NEWS)
- Latest
