‘Drug pusher’, 1 pa itinumba

TUGUEGARAO CITY,  Cagayan , Philippines  - Magkasunod na pinaslang ang isang drug suspect at isang kanayon nito sa magkahiwalay na insidente sa Brgy. Naddungan, Gattaran, Cagayan noong Huwebes.  ?Ayon kay SPO1 Manuel Diaz, unang napuruhan sa ulo si Vilmer Corpuz  nang manlaban matapos matunugan na isang pulis pala ang binentahan nito ng droga sa isinagawang drug buy bust dakong alas-2:30 ng hapon. ?Nakuha kay Corpuz ang isang sachet ng shabu, marked money at ang baril nitong cal. 38 revolber na paltik. ?Dakong alas-10:30 naman ng gabi nang habulin ng mga berdugo si Lester Llapitan habang bumibili ng mani sa isang tindahan.?Nasukol ng mga killer si Llapitan sa palayan kung saan siya niratrat at namatay.? Inaalam pa ng mga imbestigador ang motibo sa nangyaring krimen.