Negosyante todas sa ambush

LEGAZPI CITY, Albay , Philippines  - Bulagta ang isang 45-anyos na negosyante nang abangan at pagbabarilin ng ilang armadong kalalakihan habang pauwi sa Sitio Labang-Anoy,Brgy.San Ramon sa bayan ng Uson, Masbate kamakalawa ng umaga. Tadtad ng bala sa ibat-ibang bahagi ng katawan nang matagpuan ng kanyang mga kaanak ang wala nang buhay na biktimang si Elmer Buenvenida Jr., ng nasabing barangay. Sa ulat, dakong alas-7:50 ng umaga, pauwi ang biktima lulan ng kanyang motorsiklo nang parahin nang mga nag-aabang na mga gunmen at pinagbabaril nang malapitan.Matapos nang pamamaril agad tumakas ang mga suspek sa bulubunduking lugar ng barangay. Patuloy ang imbestigasyon ng Uson police para malaman ang pagkakakilanlan ng mga suspek at motibo sa krimen.