ADMU vs Colegio de Sta. Ana sa San Remigio caging finals

CEBU, Philippines - Ang Ateneo de Manila University Blue Eaglets ug Colegio de Sta. Ana de Victorias mao ang mag-ilog sa korona sa San Remigio Properties Invitational Tournament karong adlawa didto sa Magis Eagles Arena sa SHS-Ateneo de Cebu sa Barangay Canduman, Mandaue City.

Kini human ang duha maoy mipahiluna sa top two spots human sa elimination.

Ang Blue Eaglets mitaktak sa ilang igsuong koponan nga SHS-Ateneo de Cebu, 88-59. Ang Blue Eaglets laraw nga makabawos karon sa Colegio de Sta. Ana nga mipahamtang kanila sa bugtong nilang pilde sa opening game. Ang Blue Eaglets bidahan sa ilang shooter nga si SJ Belangel, Dave Ildefonso ug 6-foot-9 nga teen center nga si Kai Sotto.

Sa ilang bahin, mangulo sa Colegio de Sta. Ana mao ang ilang tirador nga si Jeffrey Manday. (BANAT NEWS)