Si Tekla ang “Tubig Queen”

CEBU, Philippines - “Hindi daw maganda ang  life story ko,”  mao kini ang lenggua sa Tubig Queen sa Sugbo nga si  Jay Kummer “Dodoy” Teberio  sa dihang gipangutana sa Banat News Hugyaw  kagahapon nganong wala madayon ang pag-feature kaniya sa Maalaala Mo Kaya.

Kahinumdoman nga nabalita kagahapon ang pagkalakip sa iyang life story sa usa ka episode sa Magpakailanman sa GMA-7.

Matud pa niya nga sa dihang nitanyag kaniya ang Magpakailanman, wala dayon siya nagduhaduha sa pagdawat niini.

Matud pa niya nga gi-interview na siya sa MMK sa katapusang bahin sa  miaging tuig.

“Mga duha ka oras kapin gyud ko gi-inteview sa  MMK, hangtud nga hilom raman kaayo. Mao to pag-March, nangumusta ko,  niana ra man  ang researcher nga wala sila ganahi sa ako story, mao to, wala na lang pud ko,”   saysay pa ni Dodoy.

Dili na siya mohatag og lapad pa nga reaksyon sa wala pagkadayon niya sa MMK, ang labing importante nga mo-focus na lang siya sa pag-promote sa Magpakailanman.

“Seguro, June or July siya ipasalida, “hirit pa niya.

Ang komedyante nga si Tekla maoy modala sa karakter ni Dodoy ug nagkahinabi na sila niini.

“Gitan-aw niya ang akong mga video, aron maka-familiar siya sa akong mga lihok, lingaw kaayo siya (Tekla), “ dugang pa ni Dodoy.

Nagmalaumon si Dodoy nga mahimong inspirasyon ang istorya sa iyang kinabuhi sa ubang kabataan kinsa nagtinguha nga makahuman sa pag-eskwela.

Iyahang gipahimug-atan nga basta maningkamot ug magkugi lang gyud, makaangkon gyud og positibong butang, sama sa iyang gibuhat sa pagpamaligya og tubig nga nakahatag og dakong kontribusyon sa  paghuman niya sa  kursong Bachelor of Science in Secondary Education sa  University of Cebu.

Naka-high heels sa fight scenes

Human nag-trending ang fight scenes sa seryeng “Wildflower” sa miaging adlaw, giangkon ni Maja Salvador nga dili lalim ang iyang naagian gumikan kay naka-high heels siya sa maong klase nga eksena.

“I’ve had action scenes in my past projects but so far, this is the toughest routine I did and I had to do it all in heels! If you really love your character and you are giving your 100% to the show, there is really nothing you cannot do even if it’s really hard,” suma pa ni Maja.

Komedya pa ni Maja nga nagpasalamat siya sa iyang heels nga wala gyud mo-give up sa maong eksena. (BANAT NEWS)