Nahugno nga stage sa Sugat sa Minglanilla ipasusi

CEBU, Philippines - Ipasusi ni Minglanilla Mayor Elanito Peña kun aduna bay tulubagon ang nag-montar sa VIP stage nga nahugno atol sa kalihukan sa Sugat.

Matud ni Peña nga nabalaka sila sa nahitabo apan nagpasalamat lang sab nga wala’y kinabuhi nga naamong.

Usa sa nabalak-an ni Municipal Administrator Concordio Mejia ang mga kable sa kuryente nga nabasa sa baha diin dunay mga tawo nga nagbarog.

Karong hapon ipadayon ang Sugat Kabanhawan Festival sa Minglanilla nga niadto untang Domingo ipahigayon ug gigahinan og P4 milyones. (BANAT NEWS)