Brgy Gairan, Bogo City
“Naunsa na man kining pagpamaligya og shabu diri duol sa merkado nga bag-o, nigrabe na man. Ang mga misurender sa una, namalik na man sab pagpamaligya. “
Brgy Bulacao, Talisay City
“Diri sab sa Sitio Cruzan kay midaghan sab ang mga tigbaligya og shabu, usa ra ang ilang amo. Gikapoy nami og report ngadto sa mga polis diri sa Talisay kay wala gyud mihimo’g aksyon sa among reklamo. “
Brgy Malingin, Bogo City
“Ang among taytayan nga kahoy diri kay wala gyud ilisi og semento sulod na sa dugay nga panahon. Kuyaw agian og mga sakyanan kay gabok na man kaayo ang taytayan. “
Brgy Capitol Site, Cebu City
“Naay drug pusher diri likud sa usa ka pribadong hospital sa Osmeña Boulevard. Opawon na siya unya magmotor pirmi.
Brgy Mangoto, Pinamungajan, Cebu
“Kining taytayan nga gitrabaho diri sa among lugar mga upat na ka tuig nga wala mahuman pagtrabaho. Wala na man molihok ang contractor ug ang DPWH-7 sa ilang proyekto nga gigastohan sa buhis sa mga tawo. “
Brgy Pasil, Cebu City
“Dunay namaligya’g shabu diri sa may Concepcion Street, anha moagi sa kilid sa balay sa usa ka politiko diri. Ambot nganong wala man ni rondaha sa mga polis nga klaro man kaayo ang pagpamaligya’g shabu. “
Brgy Sawang Calero, Cebu City
“Naay namaligya’g shabu likud sa Police Station-6, siyaro og wala makahibawo ang mga polis bahin sa gihimo niining mga pusher. Maayo unta og taga PDEA ang mo-ronda diri.”
Brgy Calamba, Cebu City
“Asa na man ang taga City Hall nga wala man gyud makapapahawa sa baboyan diri. Ingon nga pasirad-an na, pero hangtod karon naa man gihapon, baho kaayo, luoy kaming nagpuyo diri sa duol. “
Brgy Day-As, Cordova, Cebu
“Daghan gihapon ang naninda og shabu diri sa among barangay, wala man gyud kini masulbad. Ang mga opisyal sa barangay namo diri nagpakabuta-bungol ra man. “
Brgy Punta, San Remigio, Cebu
“Naunsa man ang kadalanan diri nga wala man gyud atimana, wala may nagpakabana nga mga opisyal kay pwerte na man gyud nga gubaa. “
Brgy Mambaling, Cebu City
“Diri sa Sitio NAVA-Alaska, daghan kaayo ang madjongan naa sa usa ka balay diri. Wala sila’y permit pagpasugal unya saba kaayo matag gabii kay usahay magbuntagay pa. “
* * *
Alang sa inyong reklamo text lang 09083006702
- Latest
