Huwag munang tumanggap sa China

ANUMAN ang alok na tulong ng China lalo na ang armas ay huwag munang tanggapin ng Pilipinas.

Ito ay upang maiwasan na makumpromiso ang Pilipinas sa hinahabol nito sa pag-aaari ng West Philippine sea na inaangkin ng China.

May alok ang China na armas para sa Armed Forces of the Philippines (AFP) upang mapalakas ang puwersa ng bansa.

Ayon sa liderato ng AFP, wala raw masama kung tanggapin ang bigay na armas ng China.

Parang hindi na nag-iisip ang AFP dahil kung tatanggapin ang nasabing armas, magiging committed na ang Pilipinas at baka malagay sa alanganin ang paghahabol natin sa South China sea.

Ayon sa AFP, wala naman daw kondisyon ang iniaalok na  armas mg China sa Pilipinas.

Ang masaklap, lalong madedehado ang interes ng mga Pilipino kung basta-basta tatanggap ng anumang regalo mula sa China.

Pag-isipang mabuti ng gobyerno at kung maari ay ikunsulta sa taumbayan tulad sa dalawang kapulungan ng Kongreso upang walang sisihan anuman ang desisyon ng gobyerno sa usaping ito na maaring makaapekto sa kinabukasan ng mga Pilipino.