500 nasunugan noong Pasko
NORTH COTABATO, Philippines - Trahedya ang inabot ng 500 residente makaraang masunog ang kani-kanilang bahay sa mismong araw ng Pasko sa Barangay Camino Nuevo, Zamboanga City, Zamboanga del Sur kamakalawa ng gabi.
Naganap ang sunog sa kalagitnaan ng patay-sindi na koneksyon ng kuryente sa lugar at dahil sa dikit-dikit na mga bahay ay madaling kumalat ang apoy.
Nahirapan ang mga pamatay-sunog na makapasok sa nasabing lugar dahil sa makipot na eskinita.
Napag-alaman na itinaas na sa general alarm ng Bureau of Fire Protection (BFP) ang sunog dahil sa dami ng bahay na nilamon ng apoy.
May napaulat na casualty sa nagpapatuloy na sunog pero hindi pa ito makumpirma sa ngayon.
Kasalukuyang nasa evacuation center ang mga residente na naapektuhan ng sunog.
- Latest
