Love Story

Dear Banat News,

Hello sa tanang avid readers sa Banat News! I'm Glaiza, 28 years old, nagtrabaho ko isip call center agent. Ako lang  i-share  akong love life nga nahanaw na, tulo ka buwan na ang nilabay.

 Mao kini ang istorya: Aduna ko'y nauyab kaniadto  nga  usa ka guitarist sa usa ka banda, siya si Jan.

Nagkailaila mi kay nasuki na man ko sa resto bar diin permi sila magtukaran.

Siyempre pagkita nako niya, cute kaayo siya tan-awon samtang nag-play og guitar ug tayming pud nga duna mi common friend maong nagkailaila mi. 

Niadtong bag- o paming nagkaila, grabe ka- gentleman si Jan ug kanunay gyud ko ihatod ug kuhaon niya sa akong trabahoan. Bahala'g kapoy na iyang lawas, siguraduon gyud niya nga  ihatod ko niya.

Usahay, librehan ko niya og dinner sa mga restaurant, ug grabe siya ka-sweet kun mo-text siya kanako. Siyempre, na-feel gyud nako nga nagparamdam siya nako, ug naa gyud sa akong hunahuna nga ako siyang sugton sa higayon nga manguyab na siya nako.

Human sa upat ka buwan sa pagsige og pa-cute nako, nidiskarte na gyud siya ug ako siyang gisugot. Lami kaayo ang dagan sa among relasyon, ug ako gyud siya ipasigarbo sa akong friends tungod sa iyang kabuotan.

Pag-abot og usa ka tuig sa among relasyon, nahibulong man ko nga palaaway na kaayo siya.  Grabe na kaayo siya magselos, dili man unta siya ing-ana sa una. Nangayo ko og opinyon sa akong friends, ug kasagaran nila moingon gyud nga basta dunay dautang binuhatan ang usa ka lalaki, ilaha daw na ipasa sa ilang uyab.

Wala mahimutang akong hunahuna, ug nag-observe na lang ko permi sa mga lihok ni Jan.   Hangtod nisulti ang among common friend nga dunay laing kairing-iring si Jan nga iyang ex-girlfriend. Mura gyud ko og nahugno ug ako siya nga gi-confront, ug nangayo siya og sorry.

Nisaad siya nga dili na siya makig-communicate sa iyang ex-girlfriend. Nituo sad ko, pag-abot og pipila ka semana, nasakpan nako sila nga nag-uban og laag sa Ayala. Didto nakahukom ko nga ako siya nga buwagan bisan sakit kaayo. Wala na ko nagpadala sa iyang mga "sorry2x". Gikapoy nako sa tawong bakakon. Bahala'g single, basta dili lang ko mag-antos sa mga tawong walay baruganan.  Daghang salamat Banat News ug request diay ko  lyrics sa song nga Stolen by Dashboard Confessional.  

Hi Glaiza! Thank you so much sa imong LOVE STORY! Paabuta ugma puhon ang imong request.

* * *

Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa                 pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Niño

6000 Cebu City, Philippines