Brgy Lahug, Cebu City
"Sa Salinas Drive daghan pa man kaayo ang mga tigas nga tawo, mga adik kaayo pero wala man ni sila dakpa sa mga polis nga unta dali ra man ni mailhan kay klaro kaayo ang mga sinultian ug nilihukan.”
Brgy Looc, Danao City
“Concern lang ko sa among sapa diri sa Sitio Cantorio kay gihimo na man hinoon og labayanan sa basura. Manawagan lang ko sa among kapitan sa barangay nga mohimo’g aksyon bahin sa problema kay wala na may pakialam.”
Babag, Cebu City
“Gusto lang unta namong ireklamo ang kabahin sa mga tawo sa barangay hall kay kun sumbongan namo dili man motubag. Naa man unta sila sa gobiyerno pero dili man motarong sa ilang serbisyo namong mga magbubuhis.”
Brgy Pusok, Lapu-Lapu City
“Diri sa may MEPZ 1 naay polis diri nga nadestino sa traffic, protector man sa mga kolurum nga sakyanan unya mao pay mag-illegal parking. Tabangi tawon nga mapakgang ning kalaki sa polis kay daghan drivers nga nagtinarong, mapagan.”
Brgy Mactan, Lapu-Lapu City
“Naa lang ko’y reklamo bahin sa ilegal nga drugas sa Soong 2 kay wala man masulbad nga dugay na man ning problemaha. Nahibulong sab nganong walay nakadakop nga unta duol ra man ning lugara sa balay sa mayor."
Brgy Poblacion-Occidental, Consolacion
“Naay poste diri nga hapit na matumba, wa gyud matagad sa mga opisyal namo sa barangay, dugay na man unta ni nilang gireklamo pero wala tagda. Basin unya pa nila atimanon kun naa nay matumbahan ug madisgrasya.”
Brgy Taytay, Danao City
“Naa lang mi reklamo diri sa among lugar kay dugay na nga walay agas ang mga gripo, wala gyuy aksyon ang taga barangay bahin sa among problema.”
Brgy Sta. Rosa, Lapu-Lapu City
“Diri sa among lugar sa Olango Island kay gipasagdan ra man ang mga motor nga mag-parking sa eskina duol sa bakeshop, wala may opisyal sa barangay nga nakabadlong nila hasta mga polis wala sab kabadlong.”
Brgy Poblacion-Occidental, Consolacion
“Sumpoon na unta ang kusog nga hantak diri kay saba ug samok kaayo ning mga tawhana. Hinaot unta nga mahatagan dayon kini og dinalian nga aksyon sa among mga opisyal sa barangay.”
Brgy Sapangdaku, Cebu City
“Daghan pa man gihapon ang namaligya’g shabu diri sa among lugar Sir Jun, labi na gyud diri sa Sitio Lupa, halos na man lang i-display sa mga lamesa ang ilang ipamaligya nga drugas. Kanus-a man intawon ni mahatagan og aksyon.”
Alang sa inyong mga reklamo text lang sa 09326425494
- Latest
