Kim Domingo nakadawat og mga indecent proposal

CEBU, Philippines - Giangkon ni  Kim Domingo nga nakadawat gihapon siya og daghan nga mga  "indecent proposal" ug  "dedma"  lang siya niini.

Matud pa niya nga masakitan siya usahay  niini gumikan kay hunahuna niya, lahi na ang panan-aw sa ubang tawo kaniya.

Bisan pa man sa maong bati nga butang , wala na lang kini hatagi og atensyon ni Kim aron maka-focus sa mga positibong butang nga naabot sa iyang kinabuhi ug usa na niini ang nagkalig-on niya nga showbiz career.

"Nu'ng nag-modelling ako, meron na niyan, tapos lalo pa ngayon na siyempre nagsu-showbiz na. Deadma na lang dahil siyempre hindi naman ako ganu'ng klase ng ano... mas gusto ko pa rin pinaghihirapan ko 'yung lahat ng bagay na nakukuha ko,” saysay pa sa aktres ngadto sa GMA News.

Gawas sa maayong career, nagkalami usab ang dagan sa relasyon nila sa iyang  non-showbiz boyfriend. Gihima-kak ni  Kim ang report nga matud pa nagbuwag sila sa iyang uyab.

Pia okay ra kang Steve

Sukwahi sa opinyon  ni Presidente Rodrigo Duterte , wala ra’y problema si Miss Universe 2015 Pia Wurtzbach nga si Steve Harvey gihapon ang himoong  host sa sunod nga Miss Universe pageant nga pagahimoon dinhi sa nasud.

Sa iyang Instagram account , gi-post ni Pia ang iyang throwback photo uban kang Steve atol sa question and answer portion sa maong indigay.

“#TBT to the night that changed my life. @iamsteveharveytv let’s do it again and change someone else’s life,” suma pa sa Instagram post sa beauty queen.

Kahinumdoman nga nipadayag ang presidente sa nasud sa miaging semana nga dili siya uyon kang Steve nga mao gihapon ang himoong host sa maong indigay.

Nagmalaumon hinuon si Tourism Secretary Wanda Teo  nga makumbinser niya ang presidente  nga mosugot nga si Steve ra gihapon ang host sa Miss Universe ug iyang isugyot nga paresan lang kini og Pinay nga co-host.

Nasayran nga naka-kontrata na og lima ka tuig  si  Steve  isip host sa maong prestihiyosong  pageant.

“I’ve known him (Duterte) for many years as our mayor with a big heart for forgiveness to well-meaning people like Mr. Harvey, who did not hesitate to correct his mistake, thus changing the life of our very own Bb. Pilipinas-Universe Pia Wurtzbach,” matud pa ni Teo sa usa ka  press statement.

Kahi-numduman nga na-himong kontrobersyal ang pangalan ni Steve human kini nasayop og anunsyo sa pangalan sa mananaog sa miaging Miss Universe.