Meg at Alessandra pinagsawaan ni Wendell!

MANILA, Philippines - Nagbabalik sina Meg Imperial at Alessandra De Rossi sa ABS-CBN hit legal drama na Ipaglaban Mo ngayong Sabado bilang dalawang misyonaryong paulit-ulit na ginahasa ng isang lalaki sa loob lang ng isang gabi.

Sina Loisa at Joan ay mga dalagang misyonaryong naitalaga sa Laguna ng kanilang simbahan. Isang gabi ay may isang lalaking nagngangalang Isagani (Wendell Ramos) ang pumasok sa kanilang tahanan at sila ay pinagsamantalahan. Kahit na ilang beses na silang nakiusap na itigil na ang kahalayan ay hindi ito nakinig at sa halip ay inulit-ulit pa ang panggagahasa. Walang mahingan ng tulong ang dalawa noong mga panahong iyon dahil sila ay nakatira sa liblib na lugar sa may ilog.

Magkaroon kaya sila ng tapang na hingin ang hustisya? Paano mapapanagot ang suspek?

Mapapanood ang Ipaglaban Mo episode na Misyonaryo sa ilalim ng direksyon ni Jojo Saguin mamaya pagkatapos ng It’s Showtime sa ABS-CBN o sa ABS-CBN HD (SkyCable ch 167).