Dili ka cellphone

I'm Leo, 22. Naa nako'y girlfriend ron ug 3 years na mi. Before mi nagkaila sa akong current girlfriend, naa ko'y uyab pero nagbuwag na mi tungod sa third party. Ako ang may third party. Akong current girlfriend ron, grabe ka hardworking, understanding, ug pang wife material gyod. Five years amoang gap. Nag-work siya ron sa layo, so long distance among relationship. My problem now is, I think di na nako siya love. Di na nako siya love tungod atong babaye nga rason maong nagbuwag mi sa akong first girlfriend. Panganlan nalang nato tong third party nako og Tiffy. Gwapahan kaayo ko ni Tiffy pero akong friends kay di gyod ganahan niya. Feeling nako in love na ko ni Tiffy pero si Tiffy kay mura'g di siya ganahan og serious relationship. Di siya ganahan mag-date mi sa malls. Di siya ganahan sa mga naay daghan tawo nga makakita namo. What should I do, Medyo Maldito? Maluoy ko buwagan akong uyab pero love na nako si Tiffy -- di lang ko sure kun love pud ko niya. -- Leo

* * *

Leo, sa giingon pa nako sa una, ang UYAB UYAB para ra na's duha ka tawo. Mao bitaw'ng UYAB UYAB, dili UYAB UYAB UYAB. Karon, nagproblema ka kay naglisod naka kinsa'y pilion nimo sa duha. Lisod pero kinahanglan gyud ka mamili kay di ka cellphone nga dual sim. Di ka puwede magduha duha kay maka gaba raba na. Kun nag-care gyud ka sa imong current girlfriend, ingna na siya nga kinahanglan na mo mag-istorya. Tell her nga di na pareha sa una imong na feel para niya. Ingna siya mintras sayo pa. Maglisod unya na siya'g pangita og laing uyab kun magdugay pa gyud mo'g ayo. Masakitan siya pero at least, wa ka namakak. Kung mamakak ka aron di lang siya masakitan, mao ra man gihapon ang padulngan ana. Mapasakitan ra gihapon nimo siya pag-abot sa panahon. And with regard sa imong third party nga di ganahan makig-date nimo sa daghang tawo, lisod ra ba ma-inlove anang tawo nga duwa ra ang gusto. Kun siya gyud imong gusto, pag PE uniform nalang daan kay duwa raman iyang ganahan. Kinahanglan kamao ka muduwa aron di ka maduwaan. Follow your heart, bitbita your brain. Ayaw'g pasagad og biya sa mga tawo nga importante nimo. Magmahay unya ka. Kun gusto ka'g tarong nga relationship, kinahanglan tarong pud ka. Ayaw padala anang third party kay sakit ra ba makarma.