Ilailaha ang imong gipangisda

Walay mo-fit in sa tanan. Kini ang giingon ni Rick Warren sa iyang libro nga: the Purpose Drive Church. Tinuod kana. Daghan nato ang buot mo-accommodate sa tanan hangtud nga nahurot na lang ang atong kusog ug mga pamaagi apan wala gihapon kini magbunga og nindot nga resulta.

Kakapoy lang ang imong nakuha labina kun di gyud ingon ana kasubsob ang suporta o hinabang nga imong madawat. Ang pamaagi sa epektibong pagdumala mao man ang pag-ila sa imong gidumala. Ang epektibong pagpangisda mao man ang pagsinati sa imong isda. Sa unsang paagi:

1. Una, pamalandongi asa sila nagpuyo.

2. Unsa ang ilang gikaon ug gamita ang ilang gikaon ingon nga paon. Ning paagiha kun unsa ang ilang hilig sakyi kini ug himoang opening alang sa mas nindot nga transaksiyon. Mao kini ang win win transaction.

3. Pangutan-a ang imong kaugalingon: “Unsa man ang akong Karisma?” o mo-fit in ba kini sa ilang panginahanglan?

Mahinungdanon ang dialogue of life. Apan sa laing bahin, mahinungdanon usab ang pag- position sa matag tawo segun sa iyang personalidad, hilig ug kultura.

Dili paigo ang pagpunay og pa-cute, ang pag-please sa tanan, inubanan sa taghoy sa ka way kapaingnan. Hinunoa kinahanglang mohimo og tukmang  mga lakang sa pagdasig ug pag-agni. Kun maminaw sila maayo kondili aw … ilaha nang problema ug dili imoha.