Tañon Strait luwas na sa oil spill
CEBU, Philippines - Luwas sa oil spill ang Sapangdaku River sa Dakbayan sa Toledo ug Pescador Island sa Lungsod sa Moalboal, sigun sa Environmental Management Bureau-7.
Gipahibawo ni Engr. Cindylyn Ochea sa EMB-7 nga ang water sample sa Sapangdaku nipasar sa standards dihang gipaubos kini sa water quality monitoring.
Ang oil spill sa Sapangdaku ang gi-monitor og maayo sa EMB-7 tungod kay konektado kini sa Tañon Strait nga usa ka protected seascape.
Sa Moalboal nga nahimutang usab sa Tañon Strait nakita sa EMB-7 nga hinay-hinay na nga nawagtang ang oil spill tungod usab sa pagpanglimpyo sa mga nagpakabanang residente.
Hinoon matud ni Ochea nga duna silay nakita nga lama sa lana apan nagtuo sila nga basin og agi lang kini sa boya nga gibutang aron didto mosunop ang lana. Mapasalamaton si Ochea sa lakang sa mga residente ug sa mga commercial establishments sa dapit sa gihimo niini aron madali pagtangtang sa lana. (BANAT NEWS)
- Latest
