Kayang-kaya ni Manny si Alvarez pero...
MANILA, Philippines - Kumpiyansa si Freddie Roach na mananalo si Manny Pacquiao kung lalabanan nito si WBC middleweight champion Saul “Canelo” Alvarez.
Sa panayam ng boxingscene.com, sinabi ni Roach na mas maganda ang ipapakita ni Pacquiao kumpara kay Amir Khan, pinatulog ni Alvarez noong nakaraang Linggo.
“If someone can go out there and outbox him and stay disciplined, they would be okay. I was offered the (Alvarez) fight from Bob Arum, for Manny Pacquiao, and I didn’t say no – because the thing about Pacquiao fighting him, and maybe not being strong enough, is being smart enough to fight him for twelve rounds,” wika ng trainer.
“And I think Pacquiao can pull that off,” dagdag pa nito.
Bago napatumba si Khan sa sixth round ay nahirapan muna si Alvarez sa speed at footwork ng Briton fighter.
Ngunit nagretiro na si Pacquiao matapos ta-lunin si Timothy Bradley noong Abril 9.
Maski ang longtime promoter ni Pacquiao na si Bob Arum ay hindi umaasang lalaban pa si ‘Pacman’ matapos mapasama sa Top 12 sa Senatorial race.
Hindi na rin mangyayari ang rematch nina Pacquiao at Floyd Mayweather Jr. dahil dito.
Kung babalik man si Pacquiao ay sina Alvarez at Mayweather, nagretiro noong Setyembre, ang tanging makapag-bibigay sa kanya ng malaking premyo.
Sakaling labanan ni Pacquiao si Alvarez ay maaaring gawin ito sa catchweight fight.
Nang bugbugin ni Pacquiao si Antonio Margarito, isang super welterweight ay naglaban sila sa catchweight na 151 pounds noong 2010.
“I don’t know exactly where we’re at on that [Alvarez fight], because my fighter is somewhat retired because he’s a senator. I have to have a long talk with Manny and see what he thinks about that fight, and see if he thinks the same way that I do – he could be the next guy [for Canelo], unless we get Mayweather back to the table,” sabi ni Roach.
Kung si Roach ang masusunod ay gusto pa niyang palabanin si Pacquiao sa huling pagkakataon.
“I think Manny has one fight left in him, because of the way he trained for the last fight, the way he fought the last fight. I saw a lot of the old Manny Pacquiao come back. I was really happy to see the old Manny Pacquiao come back. I would also be happy if he retired. Whichever way he wants to go, but I would like him to get ready for one more fight,” ani Roach. (DM)
- Latest
