Lain-laing grupo niduso sab kang Jonas, Luigi
CEBU, Philippines - Nipadayag sa ilang suporta ang pito ka nagkalainlaing sektor sa Dakbayan sa Mandaue ngadto nilang ni Kongresista Luigi Quisumbing sa pagka-mayor ug Mayor Jonas Cortes sa pagka-kongresista.
Kini gilangkuban sa persons with disabilities (PWDs), senior citizens, transport, kabatan-onan, women’s group, urban poor ug mga representante sa mga biktima sa sunog sa Barangay Guizo ug Mantuyong.
Ang grupo nagtuo nga sila si Cortes ug Quisumbing makapadayon sa mga programa nga nasugdan karon.
May 2,993 ka botante ubos sa sector sa PWD, 20 mil sa senior citizens ; 1,200 sa mga traysikol drayber, 4 mil sa nagkalain-laing organisasyon sa kabatan-onan sa 27 ka barangay sa dakbayan, sobra sa 100,000 ang kababayen-an ug hapit moabot sa 20,000 ka botante ang gikan sa urban poor, matud sa mga presidente sa mga nagkadaiyang sektor sa dakbayan.
Gihimakak usab sa grupo nga usa ka ‘black propaganda’ ang ilang gihimo batok sa kaatbang sa politika.
Sayo niini ang grupong Sanlakas ug Piston ang nipadayag usab sa ilang suporta sa kandidatura ni Konsehal Emmarie ‘’Lolypop’’ Ouano-Dizon sa pagka-mayor. (BANAT NEWS)
- Latest
