Mga pangdetoks sa atay (1)

Sa kalibutan nga gipuy-an nato karon, bisa'g asa napalibutan na kita sa  toksik o grabeng kahugaw sa kalikopan. Daghang nangasakit ug nagkadaghan kini kada adlaw. Di kini ikahibulong kay ang lawas nato napuno na sab sa mga hugaw o toksik, gikan sa mga pagkaon o ubang hinungdan gikan sa palibot.

Ang atong atay maoy bun-og kaayo sa tanang isulod sa ginhawaan, diin kini ang molimpyo o modetoks sa pagkaong makadaut sa lawas, ang mga imnonon, ang hanging gihanggap - ang tanan naghatag peligrong magkasakit ang lawas. Busa, angay limpyohan o idetoks ang atay nga maepektibos trabaho.

Ang atay importante kaayo kay di kita mabuhi kun mawala ni. Kay unsa pa man diay ang dakong kapuslanan sa atong atay? Mao kining mga mosunod.

 (1) Moprodyus ni'g apdo (bile), aron gamiton sa pagdetoks sa wala na kinahanglana o makadaut sa lawas ug sa paghilis sa subrang tambok. (2) Pagtakli nga mopagawas sa  napundong 'sugar' sa lawas, aron gamiton kun muobos ang lebel ini sa lawas. (3) Dugmokon nga isegregar ang 'hemoglobin', maingon man ang 'insulin', ug uban pa. (4) Pagpulpog nga puohon ang bahaw o daang selyula sa dugo. (5) Moprodyus sa mga gikinahanglang mga sustansiya  ug uban pa. (6) Ug ang way limitasyon nga pag-abag ini sa mga sistima sa lawas.

Busa angay usab ang atay permi malimpyohan aron mohimsog pinaagi sa mga pagkaong masustansiya ug pangdetoks pa, sama sa mga mosunod;

*Beets / Carrots — Dasok ni's natural 'gluthatione', usa ka protina nga pangdetoks.

*Tomatoes — Tamatis kini nga abunda sab sa 'gluthatione'. Dasok sab ni's vita-C ug mga antoxidants. Padaghanon ang produksyon sa pangdetoks nga 'enzymes' para gamiton sa atay. Aron himsog ug kusgan ang atay nga may katakos sa pagsustener sa paghinlo sa tanang kemikals nga mosulod sa lawas.