Justice system sagot sa kriminalidad hindi ang death penalty – De Lima

MANILA, Philippines - Iginiit ni Liberal Party (LP) Senatorial bet Leila de Lima na ang pagpapalakas sa justice system ang tunay na solusyon sa kriminalidad hindi ang pagpataw ng parusang kamatayan.

Sinabi pa ni De Lima na anti- poor o kontra sa mga mahihirap ang parusang kamatayan at hindi din ito nagsilbing panakot sa mga kriminal.

Inihayag din ni De Lima ang kanyang pagkontra sa posisyon nina presidential candidates  Senator Grace Poe and Mayor Rody Duterte, na hayagang  sumuporta sa pagbaballik ng parusang kamatayan sa bansa.

“No empirical evidence anywhere has suggested that the death penalty deters crime. The death penalty should be abolished, not only because there is no correlation between this punishment and crime deterrence, but also its effects are basically irreversible. The State has the obligation to guide any offender to a life of reform and become more productive members of society. Even law offenders have a potential to become reformed members of society, “ sabi ng dating kalihim ng Department of Justice.

Tinukoy din nito ang datos sa Commission on Human Rights (CHR) kung saan lumabas na karamihan sa napatawan ng death penalty ay mga mahihirap at walang kakaya­hang magbayad ng pribadong abugado.

“We likewise need a modern and simplified criminal code that will allow better response to the times, which will allow prosecutors to score higher conviction rates,” dagdag pa ng dating chairman ng Commission on Human Rights.