Gipugngan ang passport sa eskwelahan

Dear Atty. Divine,

Mi-enroll ko og Japanese language apan wala ko makatiwas. Ang akong mga dokumento, lakip na ang akong original nga Passport, naa sa akong gi-eskwelahan ug dili nila ihatag kun dili ko mo-submit og intent to withdraw ug kun unsa’y rason sa akong pag-undang.

`Ang akong pangutana attorney kun kinahanglan ba gyud ko nga mohimo og intent to withdraw nga matud sa Philippine Overseas Employment Administration (POEA) nga dili man unta kadto angay nga ihatag nako kanila ang akong original passport? Mao man gud ang gipangayo nila pag-enroll. Unsa may maayo nako nga buhaton? Daghang salamat. —Tess

 Dear Tess,

Wa gyuy katungod ang maong tunghaan sa pag-hold sa imong Passport, apan kay anaa na man kini nila just send them a demand letter alang sa imong tinguha sa pagkuha sa imong original Passport ug sa maong letter imo na lang sab nga ibutang kun nganong miundang ka sa pagtungha. Kun dili gihapon nila i-release, then mas maayo nga moduol ka og abogado aron ang imong lawyer na ang mopadala og suwat sa maong tunghaan. Next time, ayaw na gyud ihatag ang imong original Passport bisan pa kun mag-apply ka sa mga agency, ang photo copy ra niini ang angay nimong ihatag kanila kay daghan na usab ang mga nabiktima nga aplikante nga pahuwaton og dugay sa agency ug dili na maka-apply og lain ang applicant kay dili nila iuli ang Passport. Thanks and God bless. (Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.