Mga alibyo sa matag tiki

Mga hubag kini’ng motubo sa panit nga sa sinugdanan ang sintomas ini mokatol unya mamula unya modaku ang hubag. Sagad motumaw kini sa sampot, ilokan, liog, abaga, ug paa. Mosakit ni pag-ayo kun may nana na (pus).

Kun mohinog  ang hubag unya mobuto o maablihan na, igawas ini ang puti o dalag nga nana, dayon modepensa ang atong bakteria, protina ug dugo’ng puti, aron pagprotehir sa lawas batok sa  mikrobyo ug uba’ng makadaut sa lawas.

Ang atong panit maoy importante’ng bahin sa lawas, nga palig-onon ang ‘immune system’ nato. Kun huyang ang atong imyun, dali ra kita ma-impeksyons kun may kadaut sa panit. Mokomplikar ni ngadto sa uba’ng sistima sa lawas.

Kalagmitan sa mga hinungdan niini mao kahuyang sa imyun, kahugaw, pagka-alkoholik, diabetes, chemotherapy ug eksposyor sa isog nga kemikals. Busa ania kini’ng  pipila sa mga remedyo ini sa hubag o matag tiki.

* Neemtree – ang dahon ini, imo’ng dukdoko’ng laputon (paste) ug ibutang direkta sa hubag, dayon bugkosi sa limpyo’ng panapton o ‘cotton bandage’.

* Aloe vera – ang laputon nga unod sa dahon sa aloe vera, sagolan sa pinulbos nga dulaw (turmeric powder) ug sahoga pag-ayo nga ibutang sa hubag, dayon bugkusan og limpyo’ng panapton o bendahe.

* Apple cider vinegar -  ihumol ang gapas o ‘cotton ball’ unya kuhaon nga ihaklap sa hubag unya bugkosan nga makatuhop nga di matangtang o matagak.

* Dulaw (turmeric) – pagdukdok og presko’ng dulaw (luy-ang yellow- orange) hangtud malata dayon haklapan ang hubag nga bugkusa’g panapton. Sulayan lang kun hain ang mauyonan nga remedyo, kay magdepende sab ni sa lawas nato. Kun unsa gani, mas maayo sab nga modangop sa ‘health center’, aron sa paghimo og dugang paagi nga kini matambalan.