Bugay
Dear Tita Salie,
Hello! Ako diay si Jemar, 21 years old ug taga Tuburan, Cebu. About sa akong GF nga bugay, (kaatbang sa lalaki nga bugoy) kining akong problema. Matud niya nga magbag-o na kuno siya pero two weeks ra man mao nga ako siya nga gibuwagan. Makakita pa kaha ko’g girl nga seryoso ug loyal?
Dear Jemar,
Ang imong panuigon karon nga 21 pa, maoy linya pa sa pagbuswak sa pagkabatan-on. Tugob pa kini sa lingaw-lingaw, pagpanuroy uban sa isigka batan-on. Tugoti ang imong kasingkasing nga magalipay kanimo sa mga adlaw sa imong pagkabatan-on ug lakaw sa dalan sa imong kasingkasing. Batan-on ka pa kaayo, Jemar, ipukos usa ang imong panahon sa pagtuon. Kat-oni ang pagbuhat sa maayo nga mga buhat, sama sa pagtabang sa pamilya. Ang tubag sa imong problema karon, imo ra nga matugkad sa paghinog unya sa panahon. -- Tita Salie
- Latest
