Uyab gikabit sa mama

Dear Tita Salie,

Just call me Sammy, 19, dalaga. Ang problema nako bahin kini sa akong uyab ug sa akong mama. Kay while uyab mi, uyab diay pud sila sa akong mama. So, sa pagkahibalo nako gisakitan g’yud ko’g maayo. Di ko katoo nga mabuhat kini sa akong mama, so, gipasagdan na lang nako sila. Gi-give up nako ang akong uyab. Pagkakaron, sige’g away sila si papa ug mama. Maayo kaha nga sultihan nako si papa nga nangabit si mama? O pasagdan na lang nako sila. Palihug pasabta ko.

* * *

Good day Sammy,

Pagkadalaygon sa talagsaon nimo’ng pailob. Ug aron sa paglikay sa kagubot, gi-give up nimo ang imong uyab. Anak, pakigsultihi ang imong mga ginikanan uban ang kalumo ug pagtahod. Ipahibalo sa imong mga ginikanan nga naapektohan ka sa ila nga panag-away. Pagpili og panahon nga sa imong tan-aw mamati sila nimo ug isulti mo kanila nga ikaw naguol sa ilang panag-away. Hinuon, pagmatngon kay ila kini’ng kaminyoon ug angay sila ang mosulbad niini. Hinumdomi ang usa ka ilustrasyon. Ikaw maoy usa ka pasahero sa eroplano, nakadungog ka nga naglalis ang piloto ug ang assistant bahin sa paglupad, siyempre, nabalaka ka. Apan unsay mahitabo kun magpatugatuga ka’g tudlo o mosulay sa pagpalupad mismo sa ayroplano? Makahatag lang kini og dako’ng kagubot dili ba? Lagmit kun ang imong mga ginikanan kun ila kini’ng estoryahan ang bahin sa hinungdan ilang makita ang kasulbaran.

- Tita Salie