Refilled butane idili sa Mandaue

CEBU, Philippines - Idili na unya sa kagamhanan sa dakbayan sa Mandaue ang paggamit sa refilled canisters sa butane camping stoves.

Kini nunot sa giingo’ng kakuyaw sa sunog kung mobuto ang maong kahimanan sa pagluto. Si Konsehal Jimmy Lumapas nga nangamahan sa ordinansahon sa pagdili sa pagpagamit sa refilled butane canister ang niawhag sa Department of Energy sa paghatag og pahimangno ngadto sa publiko.

Gipasabot ni Lumapas nga ang pure butane fuel  mahimo lang gamiton sa gawas sa panimalay sa pagluto sa usa ka higayon apan dili na maayo gamiton ang refilled.

Ang maong matang sa galamiton gigamit lang sa Mindanao apan karon nikatap na dili lang sa dakbayan sa Mandaue kun dili lakip na sa ubang dapit. (BANAT NEWS)