Jake at Bea inaalok ng action movie para sa MMFF

Tiyak na matutuwa si Kuya Germs Moreno ngayong nagpapagaling na siya sa kanyang karamdaman kapag nalamang mayroong prodyuser ang gustong kunin ang serbisyo ng alagang si Jake Vargas para sa isasaling entry sa darating na Metro Manila Film Festival (MMFF).

Personal choice nila si Bea Binene dahil magaling ito sa aksyon at nalamang ambassador pala ito ng wushu. Ito ang martial arts na ginagamit ni Jet Lee na lumilipad-lipad sa ere kapag nakikipaglaban.

Isang fantasy-action movie ang ihahandog ng kompanya at gustong bigyan ng maganda at mala­king break ang magka-loveteam.

Kilala ko ang prodyuser dahil nakagawa na ito ng dalawang pelikula at hindi siya marunong magtipid sa publicity at promotions para pag-usapan ang pelikula.

May hukbo na ng tagahanga sina Jake at Bea at alam naming susuportahan ang magka-loveteam ng kanilang mga tagahanga sa malaking proyekto na nakalinya sa MMFF sa darating na Kapaskuhan.

Bimby may lauNching movie na rin!

Excited na si Kris Aquino dahil ilulunsad na rin sa pagiging bida ang anak na si Bimby Yap. Na-realize marahil ng ABS-CBN na malaki din ang na­ging ambag ng bagets sa The Amazing Praybeyt Benjamin na tumabo nang husto sa takilya.

Lumalaking guwapung-guwapo ang bunso ni Kris na nahihilig na rin sa pag-aartista. Sino kaya ang makakasama ni Bimby sa kanyang launching movie?

Miguel at Bianca nagiging banta na sa mga loveteam

Marami kaming naririnig na positive feedback tungkol sa magka-loveteam na sina Miguel Tanfelix at Bianca Umali kung saan umiingay nang husto ang kanilang career. Marami ding kabataan ang kinikilig sa dalawa kapag napapanood sa Once Upon A Kiss at Ismol Family. Parati din silang magkasama sa mga out-of-town shows ng GMA.

Magkasama ang dalawang bagets noong New Year countdown at pagkatapos ay tumuloy si Miguel sa bahay ni Bianca. Pero kahit tinutukso ang dalawa ay lagi nilang sinasabi na bata pa sila at sa trabaho muna naka-focus.

Personal

Pakikiramay sa naulila ng aming kaibigang writer ng Business World na si Jeff Valisno na pumanaw last week. May you rest in peace Jeff!