Nahalin pa gihapon si Toyang

Sus Toyang, mahalin  pa kaha ka nga singkwenta anyos na man ang imong edad,” tuaw ni Nang Tomasa usa ka hapon niana samtang nanilhig sa tugkaran.

Mipadayon siya, “mao nay resulta sa imong kapilian ug pagkahinawayon, sa mga lalaking naninguha nimo kaniadto.”

Mitubag si Toyang samtang nagbantay sa ilang sari-sari store, “ayaw siguroha ang tawo  nay Tomasa samtang may kinabuhi pa siya may paglaom kon pag-asa nga nagpahipi sa unahan.”

Bugtong anak si Toyang ni Nang Tomasa sa pagkadalaga niya kaniadto.

Ang amahan ni Toyang mao si Santo nga naminyo og laing babaye kay gikorner kon gipikot siya niini.

Gumikan niini, singkwenta anyos na ang  edad niya. Usa ka gabii niana, may gipalit si Noy Goryo sa tindahan ug mipalabtik og sulti kang Toyang.

“Toyang bisan og biyudo ko apan kun sugton ko nimo patilawon gyud tika og langit samtang buhi ka pa ning kalibotan. Makaingon gyud ka nga agay kalalim ug kalami ning butanga,” mapahiyumon si Goryo nga namulong niini samtang ang iyang kamot sige sab og pangablit sa bukton usahay sa paa ni Toyang nga mubo kaayo’g sayal nga gisul-ob ning gabhiona.

Mitubag si Toyang, “unya sakitan man kuno ang babaye sa unang gabii sa kasal. Basin baya nuon Goryo masakitan ko virgin pa ra ba ko bisan og singkwenta anyos na ang edad ko.”

Mibadlong si Toyang kang Goryo, “hunonga na Goryo  ang sige mong hikap sa akong paa. Gilok kaayo.”

Midugang si Toyang, “hapit na man muabot imong kamot sa akong bilahan.  Gilok kaayo oy.”

Pilay estorya nagpakasal sila si Goryo ug Toyang sa huwes sa ilang lungsod nga si Judge Tagaan.

Human sa kasal nagkanayon si Toyang ngadto kang nanay Tomasa niya, “tan-awa nay Tomasa nahalin pa gyud ko. Makatilaw na gyud ko’g langit niini uban kang Goryo.” (Katapusan)