Bunga sa kalooy - Gula 7
Migakos si Star kang Ronnie tungod sa iyang kalipay nga tabangan siya niini aron mahaw-as gikan sa iyang kahimtang. Naghilak si Star nga misubli sa pagpasabot "Dili g'yud nako kagustohan nga masulod niini'ng salawayong trabaho. Magpasalamat ko nga akong gikahibalag ang tawo nga andam motabang kanako."
Gialam-alaman ni Ronnie si Star ug gihapuhap niya ang dughan sa dalaga aron mapagaan ang iyang gibati'ng kaguol. Tuod, pagkataud-taud, miundang paghilak si Star ug giparaygan na usab kini ni Ronnie. Gihagkan ni Ronnie sa lips si Star ug gigakos pag-usab. Ning higayona, paraygon na kaayo si Star ngadto kang Ronnie.
Nanginit ang kalawasan ni Ronnie. Iyang nabatyag nga ang parayeg ni Star kaniya niini'ng higayona dili na pagpakaaron-ingnon kundili tugob na kini sa pagmahal. Sa makausa pa gisaw-an nila ang makabuhong nga kalipay.
Human sa kapoy kaayo nila nga kumbati. "Unya asa ka na man karon gikan dinhi?" gisukna ni Star si Ronnie. Wala dayon motubag si Ronnie, hinuon gibawos niya sa pagpangutana ang dalaga. "Ikaw, unsay plano nimo? Andam ka ba nga mouban kanako aron sugdan ang bag-o mo nga kinabuhi?"
Gihapuhap ni Ronnie ang bugol kaayo nga aping sa dalaga. "Mouban ka na ba nako sa apartment?" iyang gisukna pag-usab si Star. "Ikaw ang mahibawo Ronnie," matud sa dalaga nga mibawos sa paghapuhap sa nawong sa ulitawo.
"Akong isaad nimo nga magbinuotan ko sa imong kiliran," ni Star nga hugot kaayo'ng nakagakos ni Ronnie. Wala damha nga ang subli nila nga pagparayganay nakasugnib og laing kainit sa masig nila ka kalawasan.
"I love you Ronnie," gihagkan ni Star si Ronnie. "I love you too Star," ni Ronnie nga andam na usab sa ikatulo'ng hugna sa ilang kumbati. (Kataposan)
- Latest
