Nawala ang butang

Adunay mga higayon nga diha sa atong damgo atong nakita ang atong kaugalingon nga nangita sa mahinungdanong butang nga nawala o dili ba kaha natipon sa mga nagkatag pang mga butang. Ang maong damgo mahimong signal lamang nga ang hingtungdan mismo ang nawad-an   og pokus o concentration diha sa iyang mga buhat ingon man mga desisyon nga niresulta hinuon sa kawalay padulngan ug kagubot. Mahinungdanon kaayo nga atong himoon ang tukmang mga proseso diha sa paghimo sa atong mga lakang. Kay usahay ang paghunahuna lamang sa resulta ug dili sa proseso ang makahatag kanato og kaalaut sa kaulahian.