Liza masaligon ni Enrique

CEBU, Philippines - Aminado si Liza Soberano nga kusog sa masa ang ka-partner niya sa pelikulang The Bet nga si Enrique Gil busa nagmalaumon siya nga mo-click ang maong pelikula. "I'm happy na nakitaan kami ng chemistry," suma pa ni Liza.

Ai-Ai motikang sa prisohan

Nagplano si AiAi delas Alas nga motikang sa prisohan aron bisitahon ang mga higala niya nga sila si  Senator Bong Revilla, Jr. ug Senator Jinggoy . Kahinumduman nga si Bong ang leading man ni AiAi sa pelikulang  Kapag Tumibok ang Puso niadtong 2006.

Heart mihilak

Nakahilak si Heart Evangelista sa dihang nasayran niya nga dunay lung cancer si Senator Miriam Defensor Santiago.  Giisip ni Heart ang senador nga ikaduha niya nga inahan ug mao usab kini ang nahimong instrument kung nganong nagkaila sila sa iyang boyfriend nga si Senator Chiz Escudero.

James duna'y laing anak

Giangkon ni JamesYap nga gawas sa anak nila ni Kris Aquino nga si  Bimby, duna pud siya'y laing anak . Mao kini ang anak nila sa kanhi niya girlfriend ug mapasalamaton siya niini gumikan kay nagpakahilom lang gyud kini sulod sa taas nga panahon.

Supportive si Papa

Gipadayag ni Edu Manzano nga kanunay ra siya nga musuporta sa hukom sa iyang anak nga si Luis Manzano. Nasayran nga nagplano na si Luis nga iyang pakaslan ang uyab niya nga si Angel Locsin.

Carla mihimakak

Gihimakak ni Carla Abellana ang report nga matud pa nag-date sila ni Tom Rodriguez. Suma pa sa aktres nga wala gyud mahitabo nga nanuroy silang duha. "I would say na mas kabisado lang namin ang isa't isa sa pag-arte," suma pa ni Carla.

Wala manumbaling

Gibutyag ni Vilma Santos nga tawo lang siya ug masayop pud usahay busa dili na lang niya panumbalingon ang mga tawo nga nanaway kaniya sa dihang sayop ang spelling sa mensahe nga iyang

gipadala ni Kris Aquino.

Angel nagpakahilom

Tak-om lang si Angel Locsin kalabot sa isyu nga matud pa siya ang gipasabot sa post sa Facebook sa iyang kanhi talent manager nga si Becky Aguila nga matud pa duna siya'y alaga niadto nga wala'y utang kabubut-on.

Kung si Alex ang pasultihon

Gibutyag ni Alex Gonzaga nga ganahan siya  nga maguwang pa niya ug  non-showbiz ang iyang mauyab aron malikay sa mga isyu.

Sitti engaged na

Malipayong gianunsyo ni Sitti Navarro pinaagi sa iyang Instagram account nga engaged na sila sa iyang non-showbiz boyfriend. Gi-post ni Sitti ang hulagway sa iyang singsing nga dunay caption nga "Magiging misis na ako!!! Aaaah!!! So happy, I cannot even begin to describe how I feel".

Ai Ai nagpanikad na sa politika

Gipadayag ni Ai Ai delas Alas nga nagpanikad na siya sa pagsulod niya sa politika karong 2016. Ipamatuod sa komedyanteng aktres nga dili tinuod ang obserbasyon sa ubang mga tawo nga matud pa dili angayan mohupot og posisyon sa gobyerno ang mga artista.

Sekreto ni Jason

Gibutyag ni Jason Abalos nga ang pag-gym ra gyud ang iyang sekreto sa hugyaw nga pamorma sa iyang lawas. Nasayran nga daghan na ang nakabatyag sa lawas ni Jason busa misamot ang iyang karisma sa viewers.

No boyfriend

Gitataw ni BB Gandanghari nga wala pa gyud siya'y uyab ug giklaro niya nga wala siya magdali sa maong butang. Suma pa ni BB kung makauyab man gani siya, iyang

seguradoon nga buotan kini nga tawo.

Lani sa big dome

Human nagmalampuson ang eksperimento ni Lani Misalucha  sa iyang pagkanta kilid sa dalan,  malipayong gipahibalo sa singer nga duna siya'y umaabot nga concert sa Araneta Coliseum karong Oktubre.

Shaina mikatawa  sa isyu

Mibahakhak pag-ayo si Shaina Magdayao sa nigawas nga report nga matud pa nagbuwag na sila ni Piolo Pascual. Gihulagway ni Shaina nga "over acting" ang maong istorya gumikan kay hagbay ra niya nga giklaro nga wala sila'y relasyon sa aktor.

Bianca dili matandog og bashers

Gipadayag ni Bianca Gonzales nga dili gyud siya matandog og bashers ug gitataw niya nga dunay uban niini ang makahatag kaniya og leksyon.

 "Kailangan ng mga bashers para bumaba-baba ka sa lupa. And a lot of the times, bashers really have... may point sila, e, na kailangan mo lang makita behind the meanness. May ibang bashers talaga na out to destroy you, pero there are a lot of bashers na they post negative na para rin sa ikabubuti mo, kasi totoo naman. Parang they give you a second look at yourself," suma pa niya ngadto sa PEP.

Katay gikiha

Gipasakaan og kaso  si Katy  Perry human kini pasanginli  nga nangopya og kanta.Nireklamo  ang   Christian hip-hop singer nga si Flame, kalabot sa hit song ni Katy nga  "Dark Horse" nga matud pa gikopya sa Christian award-winning song nga "Joyful Noise".

Suma pa ni Flame, nga gawas nga gikopya ang iyang kanta,   giguba matud pa ni Katy  ang ilang reputasyon gumikan kay  anti-Christian matud pa ang  music video ni Katy.Gipahimangnoan ni Flame si Katy  nga mohunong na sa paggamit sa iyang kanta.