Romana uyon nga ipaskin ang crime stats sa presinto
CEBU, Philippines - Dakung uyon ang hepe sa Cebu City Police Office (CCPO) nga ibutang sa gawas matag presinto sa kapulisan ang mga crime statistic nga natala sa ilang buhatan.
Si Senior Superintendent Noli Romana nga nahinabi sa Banat News miingon nga nindot kini nga plano.
Sumala pa nga gusto sab niini nga wala’y tagoan ang mga presinto sa tinud-anay nga sitwasyon sa kahapsay ug kalinaw sa ilang mga dapit. Gawas sa crime stat, gusto sab sa opisyal nga ibutang gawas sa presinto kung pila ang gihatag nga budget sa matag buhatan sa kapulisan aron ‘sab makita sa mga tawo kung pila ug gi-unsa paggasto ang buhis sa mga tawo.
“Maganda , suportado natin yan, that is a public record, ayaw din natin na ma’y itatago nga crime statistic,†matud pa ni Romana kinsa ning bag-ohay lang nakadiskubre nga daghang mga krimen nga wala itug-an sa mga presinto ngadto sa iyang buhatan.
Si Police Regional Office (PRO) 7, Chief Supt. Prudencio Tom Bañas maoy unang nakaideya niini nga ibutang sa gawas sa mga presinto ang mga crime statistics. (BANAT NEWS)
- Latest
