Marunong mag-budget, Ryan may oras kahit sa alagang aso

Gaano man ka-busy si Ryan Agoncillo sa kanyang trabaho, he makes it a point na may panahon siya sa kanyang pamilya, sa kanyang asawang si Judy Ann Santos at sa kanilang dalawang anak na sina Yohan at Lucho. Maging sa mga alagang aso ni Ryan ay may panahon umano siya.

“It’s just a matter of budgeting your time,” pahayag nito sa presscon ng kanyang upcoming sitcom with Carla Abellana sa bakuran ng GMA, ang Ismol Family.

Pareho sila ng misis niyang si Juday na working parents pero kahit kelan ay hindi umano sila nagkukulang ng oras para sa isa’t isa at sa kanilang mga anak.

Dalawa lamang sila ng kanyang kapatid kaya kung sila ni Juday ang masusunod, gusto pa umano nila ng dalawang anak.

Maganda pareho ang takbo ng respective careers nina Ryan at Juday at maging ng kanilang pagsasama at very supportive rin ang kanilang respective families sa kanila.

Last Sunday, magkakasama ang pamilya Agoncillo at Santos dahil sama-sama nilang isinelebryt ang Father’s Day sa kanilang bahay.

Samantala, halatang gustung-gusto ni Ryan ang kanyang kakaibang game show na Picture! Picture na papalitan ng kanyang sitcom na Ismol Family. Kung siya lamang ang masusunod, gusto niyang ipagpatuloy ang programa na kakaiba at orihinal ang konsepto.

Panay ang biro at parinig ni Ryan sa mga lady bosses ng GMA na sana’y ituloy ang kanyang Picture! Picture!