Isla Paraiso - Gula 208
Kutob sa mga kaaway nga misulay pagbabag kang Rey iyang gipabuthan. Wala mausik ang mga bala nga gibuga sa iyang Uzi. Nakaigo gayod kini sa mga kaaway nga iyang gipusil.
Rat-tat-tat-tat-tat-tat!
Nagpungasi ang mga bala nga gibuga sa Uzi ni Rey. Wala siya mohunong sa pagdagan samtang nagpabuto. Unya, pag-abot niya sa usa ka haligi, mikalit siya pag-ipli.
Iyang gitangtang ang basiyong magasin sa Uzi. Iya kining gipulihan sa magasin nga puno sa mga bala.
Nangandam na usab si Rey alang sa laing hunat sa pagdagan tapos niya makak ang Uzi. Apan kalit lang siyang naigking. Nakamatikod siya nga may bugnaw apan gahi nga butang nga midapat sa iyang tangkugo. Wala siya makalihok.
“Patay ka na karon!†Nagkanayon ang kaaway nga diha sa iyang luyo, nagtion kaniya sa gikuptan niining pistola.
Wala maglihok si SPO3 Rey Corpuz samtang gitionan sa kaaway sa gigunitan niining pistola. Ang iyang hunahuna naggaling og mga ideya kun unsay iyang buhaton aron makalingkawas siya niining makuyaw nga situwasyon.
“Buhii kanang gigunitan mong armas!†Mando sa kaaway.
Wala maggunok si Rey.
“Bungol ka ba?†Sa kaaway pa. “Matud ko, buhii kanang gikuptan mong armas!â€
Kalit may ideya nga misantop sa hunahuna ni Rey. -- Sumpayan pa
- Latest
