Lalaking nakapatay, napusilan sa polis patay ‘sab

CEBU, Philippines -  Duha ang patay atol sa pista sa Barangay Cansayahon, lungsod sa Ronda usa ka lalaki ang nadunggaban patay ug napatay usab sa polis ang suspek niadtong Lunes sa hapon. Giila ang duha nga namatay nga mao sila si Alfredo Pucong, ug Ricky Unabia, 35, taga Barangay Butong, Ronda.

Matud pa ni PO3 Benjamin Bate sa Ronda Police Station nga nahinabi sa Banat News, namista si Unabia sa maong lugar apan nakit-an kini sa iyang kontra nga si Pucong may labot sa yuta. Ang duha nagkadinumogay nga misangpot sa pagdunggab ni Pucong kang Unabia.

Si PO1 Mimbrod Ogario kinsa gi-assign aron bantayan ang pista daling miresponde, apan matud pa inay nga mopatuo si Pucong gihamagan hinuon niini ang maong polis hinungdan nga napusilan kini sa tuhod ug kilid sa iyang tiyan. Ang duha gidala sa Barili District Hospital apan patay na si Pucong samtang si Unabia namatay sa Vicente Sotto Memorial Medical Center.  (BANAT NEWS)