Sekyu binoga, bulagta
MANILA, Philippines - Nakabulagta at wala ng buhay ang isang 21-anyos na security guard nang madatnan ng karelyebong guwardiya sa binabantayan nilang bakanteng lote, sa Malate, Maynila, kahapon ng umaga.
Nagtamo ng tama ng bala sa mukha ang biktimang si Joemar Sallote, binata, nakatalaga sa nasabing lote, na matatagpuan sa Francisco St., Malate, empleyado ng Helenian Security Agency na nasa #3 Rosal St., 12th Avenue, Grace Park, Caloocan at tubong Sipalay City Negros Occidental.
Patuloy pang iniimbestigahan ang insidente dahil sa wala pang matukoy na suspek at motibo sa krimen, habang ang karelyebo naman na si Noel Silverio, 27, ay isinasailalim din sa interogasyon.
Sa ulat ni SPO1 Mario Asilo ng Manila Police District-Homicide Section, dakong alas-7:00 ng umaga nang makitang patay na ang biktima sa binabantayan nitong bakanteng lote sa panulukan ng Singalong at Francisco St., sa Malate.
- Latest
