Howard nagbida sa tagumpay ng Rockets

HOUSTON – Nagtala si Dwight Howard ng 15 points at 17 rebounds at umiskor si James Harden ng 19 upang tulungan ang Houston Rockets sa 100-95 panalo kontra sa Dallas Mavericks sa preseason game nitong Lunes.

Inilipat ni Houston coach Kevin McHale si Ho-ward sa power forward  position para maipasok si 7-foot center Omer Asik sa lineup. Nagtala si Asik ng 4 points at 9 rebounds sa kanyang unang laro ngayong season matapos makarekober mula sa calf injury.


Tabla ang laban sa third quarter bago gumamit ang Rockets ng 7-0 run para kunin ang 77-70 tungo sa kanilang tagumpay.



Nagtala si Dirk Nowitzki ng 11 points at 4 blocked shots bago napatalsik sa laro sa huling bahagi ng third quarter bunga ng flagrant two foul nang bumagsak si Omri Casspi sa isang fast break.

Sa Columbus, Ohio, nagtala si Kyrie Irving  ng 17 points at 12 assists para hiyain si Evan Turner sa kanyang homecoming nang igupo ng Cleveland ang Philadelphia 76ers, 104-93 sa Value City Arena sa Ohio State campus.



Si Turner, nagtala ng 14 points, ang national player of the year ng Buckeyes bilang junior noong 2010 bago nagdesisyong pumasok sa NBA Draft, kung saan kasama siya sa second overall selection.



Lumayo ang Cavs (4-2) sa tulong ng technical na ibi-nigay kay  Royce ng Philadelphia na kanyang ikalimang foul, may 8:57 minuto pa ang natitira.

Sa iba pang preseason game, tinalo ng Toronto ang New York, 123-120 habang pinasadsad ng Chicago ang Milwaukee, 105-84.